.
هذه أبيات رثاء في الأم الفاضلة / نورة بنت محمد إبراهيم الدخيّل التي توفيت يوم الثلاثاء 8/12/1436 هـ وصلي عليها في جامع أشيقر بعد صلاة العصر ودفنت في مقبرتها – رحمها الله – رحمه واسعه و ألهم أولادها و ذويها ومحبيها الصبر و السلوان ( إنّـا لله و إنّـا إليه راجعون) ، والأبيات بعنوان:
[ والله يا مثلها ما هيب منسيّه ]
يــــالله يــــالله وانــك تــعـلـم الـنــيــــه يا واحـدٍ لارجـيـنـا مـالنـا غـيره
نـرجـيـك تـرحـم وتـغـفـر للـدخـيـلـيّـه الـطيّـبه و الحبـيبه زيـنة السيره
كــــم مــرهٍ وقــفـتــنــا فـالـعــاصـمـيه أيــام كـنّـا بـزورٍ داخــل الديـره
تـعـطـف عـلـيـنـا كـما الام الجـنـانـيـه ياجـودهـا فـالمفازع عندها غيره
سمْعت صياحي بوسط السوق صبحيه وجـابـت تفاريح ساعاتٍ وزمّيره
عـام ألـف وستـه وسـبعـين وثلاث ميه من عقب حج تلاجج به صفافيره
فايامـهـا صـيـتـهـا بـالطـيـب مـطـريـه بالجود هو و السناعه مالها جيره
ونــاســهٍ وقــتــهــا وصـــلٍ و دوريــه وتنادي اللي كبيره واللي صغيره
زوايـــرٍ بــيـنـهـن في كــل عـصـريـه تـلـقـى الابـاريـق ودلالٍ بتبـهـيره
والله يـــا مـثــلـهـا مـاهــيـب مـنـسـيـه في فرحة العيد لاصكَت دواويره
يـالله طـلـبـتـك لـنـوره تـغـفـر السـيـّـه يامـن جميـع الـخلايق في تدابيره
يـاعـلـهـا في جـنـان الـخـلـد مـجـزيّـه في وسط قصرٍ تفَكه من مثاميره
امــيـن وامـيـــن يـاعـــلام بـالـنـيــه يا خـيّـرٍ لا طـلـبـنـا مالـنـا غـيره
مع تحيات ابو عبدالرحمن
سعود عبدالرحمن اليوسف
أشيقر 15/12/1436هـ
