يوم الثلاثاء زاد حزني

أبيات شعريه في رثاء الوالده / نوره محمد ابراهيم الدخيل – رحمها الله –  واللتي انتقلت إلى جوار ربها يوم الثلاثاء 1436/12/8 هـ أقول فيها :-

يوم الثلاثاء زاد حزني وبكيت ..

واخواني الباقين مثلي حزينين

في يوم ثامن من شهر حجة البيت ..

عام اربعميه والف ست وثلاثين

فقدت فيه اللي بيدها تربيت ..

وبكيت حتى مابقي دمع بالعين

ابكيك نور البيت واطوح الصيت ..

صرنا عقب موتك يتاما مساكين

عقبك فقدنا جلستك واظلم البيت ..

وزاد العنا يومه لفونا المعزين

زولك قبالي كل ماصبحت وامسيت ..

يامي فقدت الحب والعطف واللين

يالله يالله كم دعيناك واعطيت ..

في عشر ذي الحجه وصوت الملبين

تغفر لها يالله يامحيي الميت ..

وتجعل منازلها منازل شهيدين

ويا واحد(ن)من فوق عرشك تعليت ..

اجمعني بها في جنان وبساتين

يامستجيب وياكريم(ن) تعاليت ..

تشمل بغفرانك جميع المسلمين

والحمد لله رب العالمين وصلي الله وسلم علي نبينا محمد ……
أشيقر1436/12/10