اليوم انا بالدار والقلب محتار
ودي بربعي لكن اقول هيهات
واليوم انا بالدار ولا شفت انا الجار
سبة كرونا خلت الكل بشتات
ثم اتعبتنا بين الصغار وكبار
ياما سمعنا من سببها وفيات
وياما استفدنا من علوم مفيدات
وياماوصلتنا من طويلين الاعمار
ابو فهد هو عزنا كل الاوقات
ومعه محمد والنعم بابن الاخيار
دايم معه في كل وقت ولحظات
هذي الشهامه دايمه طبع الاحرار
لوزير صحتنا جزيل التحيات
يامابذل مجهود في درأ الاخطار
واليوم حنا واجب نلزم الدار
ولا به مجال بين روحه وجيات
هذي نصيحه نقصر اليوم مشوار
خلك بدارك واقتصر بالزيارات
واسمع كلام الصدق في سمع الأخبار
ولاتطاوع اللي ينشرون الاشاعات
وأيام راحت كلنا تحت الانظار
مرت علينا وفي نظرنا صعيبات
سبة كرونا سببت هم واكدار
وخلك فهيم لاتجيك العقوبات
يالله يالمعبود علام الاسرار
تجعل ليالينا بخير وهنيات.
